1981 წელს საქართველოს სპეციალური ტრანსპორტისა და მისი ავტომატიზაციის სისტემების სახელმწიფო კომიტეტად ჩამოყალიბდა „საქსახსპეცტრანსი“, რომელიც 1988 წელს, საქართველოს ეროვნული მეურნეობის მართვის გენერალური სქემის შეცვლასთან დაკავშირებით, გარდაიქმნა „საქსპეცტრანსად“ - დღევანდელი შპს „საქსპეცტრანსი“.

განვლილი ისტორიის მანძილზე შპს „საქსპეცტრანსის“ პრიორიტეტულ მიმართულებებად ითვლებოდა საბაგირო გზები, მონორელსური ტრანსპორტი და პნევმოტრანსპორტი.

2004 – 2012 წლებში კომპანიამ განახორციელა არაერთი წარმატებული პროექტი, მათ შორის ბორჯომის საბაგირო გზა და მარტვილის „კიდული სახალხო საბაგირო გზა”.

საქსპეცტრანსი ძირითადად სპეციალიზდებოდა ოთხი სახის ტრანსპორტში: ქანქარისებული საბაგირო გზა, სავარძლებიანი წრიული საბაგირო გზა, სათრეველა საბაგირო გზები მოთხილამურეებისთვის და ბაგირ-რელსური საბაგირო გზა. პროეტქბის სიაში შედის ფუნიკოლიორი, უნივერსიტეტის მაღლივი კორპუსი - ბაგების სტუდქალაქი, მარტვილი, ხულო, ვაზისუბანი, ვანი, ვაკის პარკი - კუს ტბა, მეტრო დელისი - ლისის ტბა, რუსთაველი - მთაწმინდის რეკონსტრუქცია, ყაზბეგი - ხურთისის საბაგირო გზა.

დღეისათვის, ჭიათურაში შპს „საქსპეცტრანსის“ მიერ მიმდინარეობს სარეაბილიტაციო სამუშაოები ნინოშვილის ქუჩიდან ფანცულაიას ქუჩამდე. ზედა რგანი - ნინოშვილის ქუჩიდან სოფ. ზედა რგანი - საშევარდნომდე საბაგირო გზის მშენებლობა დასრულებულია.

გარდა საბაგირო გზებისა, კომპანია აწარმოებს ბეტონის პარაბოლურ არხებს სარწყავი სისტემებისთვის და ლითონის ჩამკეტ ფარებს ჰესებისა და ირიგაციის სისტემებისთვის.